БИШКЕК, 30-дек. — Sputnik. Ишембиде күндүз Чүй, Ош, Жалал-Абад облусунун көпчүлүк, Талас, Баткен, Ысык-Көл, Нарын жергесинин айрым аймактарында кар жаайт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй өрөөнүндө +1...+6, Талас менен Ысык-Көлдө 0...+5, Ош, Жалал-Абад, Баткен облустарында +2...+7, ал эми Нарында -5...-10 градус болору айтылды.
Бишкекте күндүн экинчи жарымында, Ошто күндүз кар жаайт. Термометрдин көрсөткүчү борбор калаада +1...+3 жана Ош шаарында +4...+6 градус болот.