БИШКЕК, 21-дек. — Sputnik. Чоң-Чычкан суусунун боюндагы токойго 20 кыргоол коё берилди. Бул тууралуу Жаратылыш ресурстары, экология жана техникалык көзөмөл министрлиги маалымдады.
Билдирмеге ылайык, жаратылышка коё берилген кыргоолдор Талас облусунун Манас районунан алып келинген.
"Алар кыргоолдун семиреченский түрүнө кирет. Канаттууну токойго коё берүү иш-чарасына аңчылар жана балыкчылар уюмунун жетекчиси, министрликтин Талас облустук башкармалыгынын башчысы жана өкүлдөрү катышты", — деп айтылат маалыматта.
Өлкөдө кыргоолдун эки түрү бар. Алар эң кооз канаттуулардын бири, кыргоолдор бийик уча алышпайт, жыш бадалдуу, чөбү бийик өскөн жерлерди байырлайт.