Дүйнө чемпионатынын чейрек финалында оюндан четтетилген Неймардын көз жашы. Бразилиялыктар хорваттарга пенальтиден утулуп калышты
Аргентиналык Лионель Месси мындай жаңсоону Нидерланддар курама командасынын машыктыруучусу Луи ван Галга жолдоду. Көп жылдар мурун ван Гал Барселонаны машыктырган мезгилде Мессинин кумири Хуан Роман Рикельмеге негизги командадан орун берген эмес. Аягында чыгып гол киргизген соң ушинтип жаңсаган. Месси Рикельмени туурады
Учурдагы дүйнө чемпионатында Криштиану Роналдонун жолу болгон жок. Ал бир гана жолу гол киргизип, плей-офф оюндарында Португалия курамасынын негизги курамына кирбей калды
Марокко курама командасы африкалык командалардын ичинен биринчи болуп жарым финалга чыкты. Бул ийгиликтин башында машыктыруучу Валид Реграги турду
Англия курамасы чейрек финалда Францияга утулуп, дүйнөлүк чемпионаттан куру кол кайтты. Британиялыктар 1966-жылы бир гана жолу кубокко ээ болушкан
Германия курама командасынын оюнчусу Давид Раум жана япониялык футболчу Хироки Сакай (оңдо). Беттеш сенсация менен аяктады: япониялыктар немецтерди 2:1 эсебинде утуп алышты
Бразилиялык футболчу Винисиус Жуниор бул дүйнө чемпионатында 1/8 финалда Түштүк Корея курамасы менен беттеште бир гол киргизди
Франция командасы биринчиликке учурдагы чемпион катары келип, титулун коргоого аракет кылды. Эки ирет катары менен чемпион болуу бактысы 1962-жылы бразилиялыктарга буйруган болчу
Марокколук футболчу Юссеф Эн-Несири канадалыктардын дарбазасына киргизген голун майрамдап жатат. Бул тайпалык баскычтагы беттеш болчу
Ачылыш оюнунда талаа ээси Катар командасы менен Эквадордун футболчулары беттешти. Эквадорлуктар Эннер Валенсиянын эки голунун аркасы менен дүйнө чемпионатынын ачылышында жеңишке жетишти
Француз футболчусу Рандал Коло Муани дүйнөлүк чемпионаттын жарым финалында Марокконун дарбазасына киргизген голун белгилеп жатат. Франция 2:0 эсеби менен финалга чыкты
Тунис курама командасы тайпадан чыга алган жок, бирок үчүнчү турда дүйнөнүн учурдагы чемпиону Францияны утуп алды
Марокколуктар жарым финалда жана үчүнчү орун үчүн болгон оюнда утулуп калышты. Бирок футбол тарыхына өлкө атын жазып кетти. Буга чейин бир дагы африкалык команда чейрек финалдан ары өтө алган эмес
Дүйнө чемпионатынын каармандарынын бири — хорватиялык дарбазачы Доминик Ливакович. Ал эки пенальти сериясында өзүн мыкты көрсөттү: 1/8 финалда япондор менен беттешип, топту үч жолу пенальтиден кайтарды, чейрек финалда бразилиялыктарга каршы бирөөнү кайтарды, бирок бул жеңиш үчүн жетиштүү болду (бразилиялыктар дагы пенальтиден өтпөй калышты). Жыйынтыгында хорватиялыктар коло медалга ээ болушту
Франциянын чабуулчусу Оливье Жиру дүйнө чемпионатында төрт гол киргизип, Франция курамасынын тарыхындагы эң мыкты снайпер болуп калды (53 гол жана Тьерри Анриден эки гол көп)
Нидерланддар чейрек финалда Аргентинага 2:0 эсебинде утулуп калган, бирок андан кийин алмаштырылган голландиялык чабуулчу Вут Вегхорст эки жолу гол киргизип, оюнду кошумча убакытка жеткирди. Беттештин тагдырын пенальти сериясы чечип, анда аргентиналыктар ийгиликке жетишти
Франция курамасынын чабуулчусу Килиан Мбаппе сегиз гол киргизип (анын үчөө финалда), турнирдин мыкты снайпери болду. Бирок бул жеңиш үчүн жетишсиз болуп, француздар титулун коргой албай күмүш медаль менен кайтышты
Турнирдин кульминациясы — Лионель Мессинин дүйнө чемпионатындагы биринчи жеңиши. Бул анын эң кадырлуу кубок үчүн бешинчи аракети эле