БИШКЕК, 19-дек. — Sputnik. Министрлер кабинетинин төрагасы Акылбек Жапаров Чүй облусундагы бир катар жылуулук менен камсыздоочу ишканалардын ишин көрүп чыкты. Бул тууралуу өкмөттөн билдиришти.
Премьер-министр “Кыргыз жылуулук энерго” мамлекеттик ишканасынын Орловка шаарындагы от казанынын, ошондой эле Кант жана Токмок шаарларында жаңыдан курулган заманбап от казандарынын ишин көргөн.
Иш сапардын жыйынтыгында тиешелүү мамлекеттик органдарга калкты электр жана жылуулук менен сапаттуу камсыздоо, жылуулук берүүчү ишканалардын үзгүлтүксүз ишин камсыздоо боюнча милдеттер тапшырылган. Андан сырткары, электр кубаты менен камсыздоо тутумундагы авариялык өчүрүүлөр жана бузулууларга ыкчам чара көрүү боюнча бир катар тапшырмалар берилген.