БИШКЕК, 12-дек. — Sputnik. Министрлер кабинетинин төрагасы Акылбек Жапаров жумушчу сапары менен Бириккен Араб Эмираттарынын Абу-Даби шаарына барды. Бул тууралуу өкмөттүн маалымат кызматы билдирди.
Сапардын алкагында өкмөт башчы Экономикалык кызматташуу боюнча биргелешкен өкмөттөр аралык кыргыз-эмират комиссиясынын 2-пленардык жыйынына тең төрага катары катышат.
Андан соң бир катар эки тараптуу жана көп тараптуу жолугушууларды өткөрүп, өнөр жай объектилерин кыдырат. Соңунда тиешелүү документтерге кол коё турганы айтылды.