БИШКЕК, 10-дек. — Sputnik. Кыргызстандык спортчу Валентина Шевченко World MMA Awards версиясы боюнча жылдын мыкты мушкери деп табылды. Маалымат аталган уюмдун сайтына жарыяланган.
Кечээ, 9-декабрда, Лас-Вегаста өткөн World MMA Awards сыйлык тапшыруу аземинде 22 номинация боюнча мыктылар аныкталды. Алардын ичинен Абсолюттук мушкерлер уюмунун (UFC) жеңил салмактагы чемпиону кыргызстандык Валентина Шевченко 2022-жылдын эң мыкты мушкер айымы деп табылган.
Жакында эле спортчу кыздын Кыргызстандын жайлоосунда кой айдап жүргөн видеосу соцтармакта көпчүлүктүн купулуна толгон болчу. Ал соңку убакта мекенине байма-бай келүүдө.
Шевченко аралаш мушташ боюнча Абсолюттук мушкерлер уюмунун (UFC) аялдар арасындагы эң жеңил (57 кг) салмактагы чемпиону.