БИШКЕК, 8-дек. — Sputnik. Тамактануу режими бузулган учурда ашыкча салмак менен жабыркагандар суусагандын ордуна ачка боло бериши мүмкүн. Бул тууралуу рационалдуу тамактануу жана тамак сиңирүү органдары боюнча адис Иван Алименко Sputnik радиосуна маек куруп жатып билдирди.
"Тамактануу ыргагы бузулган учурда ашыкча салмак менен жабыркаган адамдар суусабай калышы мүмкүн. Алар чаңкоону кандыруунун ордуна бир нерсе жегиси келе берет. Ошондон улам семирип кетет", — деп билдирген дарыгер.
Адистин айтымында, мындан алыс болуш үчүн суу ичүү режимин сактоо зарыл.
"Суткасына дене салмагынын килограммына 30 миллиграмм суюктук ичкен жакшы (орточо эсеп менен чоң кишилер үчүн күнүнө 2 литрге жакын – ред.) Бул ашыкча сугалактыкка бөгөт коет", — деп кошумчалаган Алименко.