БИШКЕК, 5-дек. — Sputnik. Украинада жылдын аягына чейин жакырчылыктын чегинде жашагандардын саны 8 миллионго жетерин Дүйнөлүк банктын вице-президенти Анна Бьерде билдирди. Бул тууралуу РИА Новости жазды.
"2022-жылдын аягында Украинада 8 миллион адам жакырчылыкта жашап калат. Мындан улам калк арасындагы кедейчиликтин саны 2 пайыздан 25 пайызга чейин өсөт", — деп билдирди Бьерде.
Анын айтымында, Украинаны калыбына келтирүү үчүн жок дегенде 500 миллиард евро керектелет. Дүйнөлүк банктын башчысы Дэвид Малпасс бул болжомол жүрөк үшүн аларын айткан.
Буга чейин Украина бийлиги, Еврокомиссия жана Дүйнөлүк банк Украинаны калыбына келтирүүгө кеткен чыгымды 349 миллиард долларга баалаган. Еврокомиссиянын башчысы Урсула фон дер Ляйен келтирилген зыян 600 миллиард еврого бааланганын белгиледи.