Лаос, Мадагаскар... Кыргыз ССРинен билим алып кеткен чет элдиктер. Сүрөт баян

Кезинде Кыргыз ССРине бир топ мамлекеттен жаштар келип, түрдүү адистиктер боюнча билим алышкан. Башка союздук республикалардан сырткары Ангола, Афганистан, Вьетнам, Гвинея-Бисау, Иордания, Йемен, Кампучия, Куба, Лаос, Мадагаскар, Мали, Мозамбик, Монголия, Нигерия, Сьерра-Леонеден бери келип, медицина, жеңил өнөр жай, авиация, энергетика жана машина куруу тармактары боюнча окуган.

Азыр дагы сырттан келген студенттер Кыргызстанда аз эмес. Улуттук статистика комитетинин маалыматына ылайык, республика аймагында жогорку окуу жайларда азыр дүйнөнүн 62 мамлекетинен келген 83 миңден ашык студент билим алат.

1 / 14

Фрунзе шаарындагы Политехникалык институтунда окуган кубалык студенттер

2 / 14

Борбор калаадагы №17 кесиптик училищеде билим алган монголиялык жаштар. 1978-жыл

3 / 14

Кыргыз ССРиндеги жогорку окуу жайлардагы чет элдик студенттер маданий иш-чарада. 1988-жыл

4 / 14

Сырттан келип билим алган жаштар машыгуу маалында. Алардын ортосунда чуркап келе жаткан африкалык Керлан де Шавьер. Фрунзе шаары, 1988-жыл

5 / 14

Маданий иш-чараларга жигердүү катышкан чет элдиктер. Студенттердин жаз фестивалы, 1988-жыл

6 / 14

Куба мамлекетинен келген студенттер Политехникалык институттун лабораториясында. 1984-жыл

7 / 14

Фрунзе авиация-техникалык училищеси. Аталган окуу жай чет элдиктер арасында өтө популярдуу эле.

8 / 14

Кубадан келген Мария Тереса сабакта орус тилин үйрөнүүдө

9 / 14

Учкуч болууну эңсеген жаштар Фрунзе авиация-техникалык училищесинде. Ал ЖОЖдо Азия, Африка, Ыраакы Чыгыш, Латын Америка мамлекеттеринен келип билим алышкан

10 / 14

Жеңил өнөр жай тармагына аралашкысы келген монголиялык кыздар. Сүрөттөгү студенттер борбордогу №17 кесиптик училищеде

11 / 14

Бөтөн элден, бөтөн жерден келген жаштар Кыргыз ССРиндеги билим берүү сапатына жогору баа беришкен

12 / 14

Кубалык студенттер борбор калаадагы базарды аралап жүрүшөт

13 / 14

"Тынчтык толкуну" студенттик кыймылы. Алардын арасында башка мамлекеттен келген студенттерди да көрүүгө болот

14 / 14

Кыргызстанда билим алган жаштар негизинен коммунисттик мамлекеттерден келгендиктен бул жактагы коомдук-маданий иш-чараларга жигердүү катышкан.

Тема боюнча:

— Кино менен театрдын өчпөс жылдызына айланды. Муратбек Рыскуловдун сүрөттөрү

— Кыргыздын чырайлуу, таланттуу актрисалары... Кызыктуу сүрөттөр

— Кыргызстандын жаратылышына кызыгып келген чет элдиктер. Архивдик ирмемдер