БИШКЕК, 23-ноя. — Sputnik. Казакстанда ЖККУнун күчүн колдонуп көрүү тажрыйбасы талданды. Россия ЖККУ күчтөрүн заманбап курал-жарак менен камсыз кылуу чечимин колдойт. Бул тууралуу Россия президенти Владимир Путин Еревандагы ЖККУнун Жамааттык коопсуздук кеңешинин кезектеги сессиясында билдиргенин РИА Новости жазды.
"Казакстанда тынчтыкты орнотуу операциясынын жүрүшүнөн алынган баалуу практикалык тажрыйбаны биз жана уюмдун катчылыгы талдап чыкты. Мындан улам Россия уюмдун күчтөрүн заманбап курал-жарак, аскердик техника жана атайын техника, каражаттар менен камсыз кылуу чечимин сөзсүз колдойт", — деген Путин.