БИШКЕК, 20-ноя. — Sputnik. Кыргызстандын Сауд Арабиядагы элчиси Улукбек Марипов өлкөнүн маданият министринин орун басары Фахад Аль-Канаан менен жолукту. Бул тууралуу Тышкы иштер министрлиги билдирди.
© Фото / пресс-служба МИД КР
Жолугушууда эки өлкө ортосундагы маданий-гуманитардык чөйрөдөгү кызматташтык талкууланган.
Тактап айтканда, тараптар Кыргызстанда жана Сауд Арабиясында маданият, кино күндөрүн өткөрүүнү сүйлөшкөн. Ошондой эле Борбор Азия мамлекеттеринин маданият ишмерлеринин катышуусунда биргелешкен Эл аралык жаштар форумун уюштуруу жана чыгармачыл делегациялар менен алмашуу боюнча кеп болгон.
Тараптар маданият тармагында кызматташуу жөнүндө макулдашууга кол коюуну тездетүүгө өз ара кызыкдар экендигин ырасташкан.
Соңунда Марипов Фахад Аль-Канаанды Кыргызстанга ыңгайлуу убакта келип кетүүгө чакырган.