БИШКЕК, 17-ноя. — Sputnik. Жогорку Кеңеш кыргыз-өзбек чек арасы тууралуу келишимди үч окуудан колдоп берди.
Аталган документ экиге бөлүнүп, пакети менен каралды.
Кыргыз-өзбек чек арасынын айрым тилкелери боюнча макулдашуу долбоору — үч окууда тең "макул" — 64, "каршы" —19;
Кемпир-Абад суу сактагычын биргелешип башкаруу тууралуу долбоор — биринчи окууда "макул" — 64, "каршы" — 18, экинчи окууда "макул" — 65, "каршы" — 17, үчүнчү окууда "макул" — 65, каршы — 18.
Эми бул келишим президент кол койгондон кийин күчүнө кирет.