БИШКЕК, 12-ноя. — Sputnik. Алдыдагы аптада Чүй облусунун аймактарында аба ырайы өзгөрүп турат. Жуманын башында жамгыр, кар жаашы ыктымал. Бул тууралуу Кыргызгидромет агенттиги билдирди.
Маалыматка караганда, Бишкекте 15-ноябрда түштөн кийин күндүн көзү бузулуп, жамгыр жаап баштайт. 16-17-ноябрда да жаан, кар жаай турганы айтылды. Башка күндөрү жаан-чачын күтүлбөйт. Чүйдүн башка аймактарында да 15-ноябрдан тарта жамгыр жаайт. Тоолуу аймактарга кар жаай турганы айтылды. 17-ноябрдан баштап 19-ноябрга чейин күн ачык болушу күтүлүүдө. Абанын температурасы Бишкекте 5...10 градустун тегерегинде болсо, Чүйдүн өрөөндөрүндө -2…+3 градусту көрсөтөт.