БИШКЕК, 11-ноя. — Sputnik. Мамлекет башчы Садыр Жапаров Өзбекстанда Түрк мамлекеттер уюмуна мүчө өлкөлөрдүн лидерлери менен бирге сый тамакка катышты. Бул тууралуу президенттин маалымат кызматы кабарлады.
Сый тамак Самарканд шаарындагы "Түбөлүк шаар" комплексинде уюштурулган. Ага саммитке келген Түрк мамлекеттер уюмуна (ТМУ) мүчө өлкөлөрдүн президенттери катышты.
"Жогорку даражалуу меймандар үчүн Өзбекстандын президентинин атынан расмий кече уюштурулуп, түрк элдеринин маданиятын көрсөткөн концерт болду", — деп айтылат кабарда.
Эске салсак, Өзбекстандын Самарканд шаарына Түрк мамлекеттери уюмунун саммити өтүүдө.