БИШКЕК, 10-ноя. — Sputnik. Бишкекте бир нече мектеп менен бала бакчаларында жылуулук өчүрүлгөнүн калаа мэриясы билдирди.
Жылуулук системасы ишке киргенден кийин авариялык кырдаал жаралып, мындан улам №65 жана 39-мектептерде, №173 жана 75-бала бакчаларда жылуулук берүү токтотулган.
"Капиталдык курулуш башкармалыгы мыйзам чегинде тендерлерди ыкчам өткөрүп, подрядчылар менен келишимдерди түздү. Маселе муниципалитеттин жетекчилигинин көзөмөлүндө", — деп жазылган маалыматта.
Көйгөй жоюлганга чейин №65 мектеп онлайн окутууга өттү.