БИШКЕК, 10-ноя. — Sputnik. Ордо калаада жоогазын гүлдөрүн отургузуу иштери башталып, "Бишкек жашыл чарба" муниципалдык ишканасы 160 миң гүл тикти. Бул тууралуу мэриянын маалымат кызматы кабарлады.
"Жазында шаардыктар жоогазын гүлдөрүн Жаштык аллеясынан, Эмен паркынан, Пушкин көчөсүндөгү Курманжан датка эстелигинин жанынан, Абдылас Малдыбаев атындагы театрдын алдынан, Абдрахманов жана Токтогул көчөлөрүнүн кесилишиндеги "Жомок" скверинен көрө алышат", — деп айтылат кабарда.
Мэрия былтыр жазында борбордо 140 миң жоогазын гүлдөгөнүн эске салды.