БИШКЕК, 9-ноя. — Sputnik. Түндө Бишкектеги Түштүк магистралда жүрөк үшүн алган жол кырсыгы катталды.
Бишкек милициясынын Кайгуул кызмат башкармалыгынын маалымат катчысы Байказы Айтикул уулунун айтымында, Foton үлгүсүндөгү автоунаанын айдоочусу жол тайгак болгондуктан, рулга ээ боло албай трассадан чыгып кеткен. Жыйынтыгында автоунаа электр мамысын сүзгөн.
Социалдык тармакка тараган сүрөттө көрүнүп тургандай, кырсыктан электр мамысы кыйшайып, автоунаа талкаланып калган. Бактыга жараша, эч ким жабыркаган эмес.