БИШКЕК, 5-ноя. — Sputnik. Күн сайын көнүгүүлөрдү жасап туруу көп кыймылдабай, отуруп иштегендердин ден соолукка тийгизген кесепеттерин азайтат. Бул тууралуу травматолог Алишер Захиров "Газета.Ru" басылмасына берген маегинде билдирди.
Адистин айтымында, кыймыл-аракети аз жумушта иштеген адамдар көп учурда остеохондроз, жүрөк-кан тамыр ооруларына кабылышат. Алардын нерв системасы дагы жабыркайт. Бул оорулардан оолак болуш үчүн бир-бир жарым саат сайын 5-10 мүнөттөн көнүгүү жасоону адатка айлантып алыш керек.
"Жумуштан соң моюн, бел, кол жана манжаларды иштетип, көнүгүү жасап туруу абзел. Мындай көнүгүүлөр булчуңдарды жыйрылтып, ден соолукка оң гана таасирин тийгизет", — деген Захиров.
Ошондой эле дарыгер уйку тартибин сактап, 7-9 саат уктоо керектигин эскертти. Анын алдында телефон, гаджеттерден алыс болуп, көздү эс алдырыш керек. Белгилүү бир убакта жатып, бир убакта туруу маанилүү экендиги айтылган.