БИШКЕК, 5-ноя. — Sputnik. Бишкекте Россия жаранынын бычакталган сөөгү табылды. Бул тууралуу Ленин РИИБдин маалымат кызматы кабарлады.
3-ноябрда Калык Акиев көчөсүндөгү үйдүн жер төлөсүнөн жашы болжол менен 35-40 жаштагы бычакталган эркек кишинин сөөгү жаткандыгы тууралуу маалымат түшкөн.
"Милиция киши колдуу болгон адамдын ким экендигин аныктады. Ал Россиянын 32 жаштагы жараны болуп чыкты. Аталган факт Ленин РИИБдин бирдиктүү реестрине катталып, тиешелүү экспертиза дайындалды", — деп жазылат маалыматта.
Учурда тергөө иштери уланууда.