БИШКЕК, 28-окт. — Sputnik. Япония Кыргызстанга 1 миллион доллар өлчөмүндө грант берүү чечимин кабыл алды. Бул тууралуу аталган өлкөнүн Кыргызстандагы элчилиги билдирди.
Маалыматка караганда, бул акча кыргыз-тажик чек арасындагы кагылышуунун кесепети менен күрөшүүгө жумшалат.
Мындай жардам БУУнун Азык-түлүк программасы жана Качкындар боюнча агенттигинин колдоосу менен ишке ашып жатканы кошумчаланды.