БИШКЕК, 28-окт. — Sputnik. 4-9-ноябрь күндөрү Бишкекте “Кыргызстандагы Петербург жолугушуулары” аттуу комплекстүү иш-чаралар өткөрүлөт. Бул тууралуу мэриядан кабарлашты.
Аны Санкт-Петербург шаарынын тышкы байланыштар комитети Бишкек менен бир тууган шаар мамилелеринин алкагында өткөрмөкчү.
4-ноябрда Улуттук тарых музейинде "Взывай же чаше к памяти моей, медаль "За оборону Ленинграда" сүрөт көргөзмөсүнүн ачылышы болот.
Андан соң "Трамвай идет на фронт" жана "Блокадный футбол" даректүү тасмалары көрсөтүлөт.
Ошол эле күнү саат 18:30да Токтогул Сатылганов атындагы улуттук филармонияда россиялык "Морошка" тобунун концерти тартууланат.