БИШКЕК, 21-окт. — Sputnik. Аламүдүн районунун Восток айылында кездеме сактаган кампадан өрт чыкканын ӨКМдин маалымат кызматы кабарлады.
Билдирмеге караганда, өрт 21-октябрга караган түнү башталган.
"Жерине саат 04:45те ӨКМдин өрт өчүрүүчү 5 бөлүмү, ыкчам топ, саат 07:00дө "Тазалык" ишканасынан суу ташыган эки автоунаа барган. Тилсиз жоо эртең мененки саат 07:48де чектөөгө алынды", — деп жазылат кабарда.
Учурда өрттү толугу менен өчүрүү иштери жүргүзүлүүдө. Кошумча маалымат берилет.