БИШКЕК, 20-окт. — Sputnik. Таластын Бакай-Ата районунда автоунаа кырсыктап, ичиндеги жубайлар машинасы менен кошо өрттөнүп кеткенин ӨКМдин маалымат кызматы кабарлады.
Ага ылайык, кырсык Тараз — Талас — Суусамыр унаа жолунун 168-чакырымында болгон. Анда Daewoo Nexia үлгүсүндөгү автоунаанын айдоочусу рулга ээ боло албай жолдон чыгып, бакты сүзүп, жыйынтыгында машинадан өрт чыккан.
© Фото / пресс-служба МЧС КР
"Кырсыктын кесепетинен 65 жаштагы киши менен 62 жаштагы аялы көз жумган",— деп жазылат кабарда.
Жерине ӨКМдин куткаруучусу барып, каза болгондордун сөөгүн унаадан чыгарып Кара-Буура райондук оорукананын өлүкканасына жеткизип беришкени кошумчаланды.