БИШКЕК, 18-окт. — Sputnik. Россия, Кытай жана Ирандын биргелешкен иш-аракеттери АКШнын таасирин кыйла алсыздантышы мүмкүн. Бул тууралуу америкалык тарыхчы Хал Брэнд Bloomberg бсылмасы үчүн жазган макаласында айткан.
"АКШ өкмөтү бир учурда келген кыйынчылыктар менен күрөшүүдө кыйналып жатат, себеби жогорку тепкичтеги саясатчылар баарына көңүл буруп жетишпейт. Анын үстүнө азыркы тапта Американын аскердик чакырыктарга туруштук берүү мүмкүнчүлүгү аз. Кансыз согуштан бери мындай боло элек болчу. 2010-жылдын башында коргонууга жумшалган чыгымды кескин кыскартуу абалды начарлатып, АКШны 1990-2000-жылдардагы "кош согуш" стандартын эмес, "бир согуш" коргонуу стратегиясын кабыл алууга түрттү", — деп жазылат маалыматта.
Хал Брэндс АКШ Украинадагы каатчылыкты чечүүнү, кытай-тайвань жаңжалын жөнгө салууну жана Иранга бөгөт коюуну бир учурда алып кете албайт деп белгилеген.
"АКШ менен каршылаштарынын ортосундагы согуш аскердик аракеттердин театрынын баарында боло турган көрүнүш. Алардын баарында мүмкүнчүлүктөр ачык көрүнүүдө. АКШнын Россия, Кытай менен чыңалган мамилеси аны Иранга кылдат мамиле жасоого мажбурлап жатат. Ошол эле учурда Байдендин администрациясы Москва менен каршылашып жатканда Си Цзиньпинди провокациялоодон алыс болуш керек", — деген оюн билдирген тарыхчы.
Буга чейин Россиянын тышкы иштер министринин орун басары Сергей Рябков АКШ глобалдык коопсуздук системасынын бузулганына жооптуу деп билдирген. Ал: "Мындан 60 жыл мурун советтик лидер Никита Хрущёв менен АКШнын ошол кездеги президенти Жон Кеннеди жаңжалдан кайтууга, өзөктүк апокалипсистен алыстап, геосаясий тил табышып акылмандык кылышкан. Анда Вашингтон Кубага кол салбоого кепилдик берип Түркиядан "Юпитер" ракеталарын чыгарып кеткен, ал эми Москва "Эркиндик аралына" жеткирген советтик ракеталарын чыгарып кеткен", — деп эскерди тархчы.