БИШКЕК, 15-окт. — Sputnik. Төшөк кумарынан баш тарткан аялдын ден соолугу жабыркайбы? Бул суроого "Доктор Питер" басылмасына берген маегинде гинеколог Юрий Чушков жооп берди.
Адис жыныстык жашоонун эмоционалдык жана физиологиялык жактан кандай пайдасы бар экенин түшүндүргөн.
"Интимдик байланыш аялдын жыныстык органдарына бир топ күч келтирет. Муну билген соң мээ андагы булчуңдарды, кан тамырларын, терини чыйралтып, жакшы формада кармоого аракет кылат. Бул жагынан алганда секс абдан пайдалуу", — деди гинеколог.
Ошондой эле ал төшөк кумары эмоционалдык жактан бардык курактагы аялдарга зарыл экенин билдирди.
"Аял киши этек кири эбак токтоп калганына же балалуу болууну пландабаганына карабай төшөк кумарынан баш тартпашы керек. Бул нерсе көңүлдүн ар дайым куунак болуп турушуна жардам берет", — деди ал.
Сөзүнүн соңунда адис төшөк кумарынан баш тартуу ден соолукка зыян алып келери тууралуу илимий далил жок экенин айтып, ошол эле учурда жогорудагы факторлорду эске алуу менен "активдүү жашоо образын" карманууга чакырды.