БИШКЕК, 14-окт.— Sputnik. "Кыргызстан сулуусу — 2022" сынагынын финалы болуп, Диами Алмазбекова жеңүүчү аталды.
Иш-чаранын уюштуруучусу Рыскүл Намазбекованын айтымында, сулуулар сынагы кечээ, 13-октябрда, Бишкекте болгон. Бийкечтер "өзүн тааныштыруу", "улуттук костюм", "үй тапшырма" жана "кече кийими" деп аталган этаптардан өтүшкөн.
"Кыргызстан сулуусу — 2022" наамын алган Диами Алмазбекова 20 жашта, модель болуп иштейт.
Эске салсак, былтыр бул наамды Алтынай Ботоярова алган. Жакында эле ал "Аалам сулуусу" сынагына катыша турганын жар салды.