БИШКЕК, 2-окт. — Sputnik. Стресс уйкунун ыргактарына да таасир этерин, түн ичинде ойдогудай эс алуу үчүн эмнелерди эске алуу керектигин "Прайм" агенттигине сомнолог Татьяна Сурненкова айтып берди.
"Стресске түшкөн адам уктап жатканда селт этип ойгонот же көөшүп уктап кете албай, анысы үзүк-үзүк боло берет. Андан сырткары, түштү жакшылап көрбөй, эстеп да калбай, андан улам да кыжалат кылган сезимдер жаралат", — деди адис.
Адис муну жөнгө салуу үчүн төмөнкү кеңештерди берди:
тамактанууга көңүл буруу;
уктаарга үч саат калганда эле тое жеп алгандан баш тартуу;
жатарда никотин, кофе пайдаланбаш керек;
бардык терс ойлордон алыс болгон жакшы;
жатар алдында жылымык сууга чайканып алса ашыктык кылбайт.
Сомнолог түн ичинде ойгонуп алганда эң башкысы тынчсызданбаганга жана ар кайсы нерсени ойлобогонго кеңеш берди. Анын ордуна жакшы нерселери эстеп, денени жана мээни бош кармап жатуу керек.
Эгерде бул нерселер да жардам бербесе, создуктуруп жүрүп албай тезинен дарыгерге кайрылууга туура келет.
"Уйкуга күнүмдүк жашоодогу абалыбыз, психологиялык ден соолугубуз байланыштуу. Уйку жакшы болсо, калганы да жакшы болот", — деди Сурненкова.