БИШКЕК, 26-сен. — Sputnik. Өзбекстандын премьер-министри Абдулла Арипов Кыргызстанга иш сапар менен келди. Бул тууралуу өкмөттүн маалымат кызматы кабарлады.
Аны министрлер кабинетинин төрагасы Акылбек Жапаров тосуп алган.
"Жумушчу сапарынын алкагында Арипов менен Жапаров өкмөттүк делегацияларынын кыргыз-өзбек мамлекеттик чек арасын делимитациялоо жана демаркациялоо маселелери боюнча биргелешкен жыйынына катышат", — деп кабарлады өкмөттөн.
Маалыматта Өзбекстандын премьер-министринин президент Садыр Жапаров менен жолуга тургандыгы айтылды.