БИШКЕК, 24-сен. — Sputnik. Келерки апта ичи Ысык-Көл облусунун айрым жерлерине жамгыр жаайт. Бул тууралуу Кыргызгидромет агенттиги кабарлады.
Синоптиктер 25-27-сентябрда күндүз аймактын айрым жерлеринде жамгыр жаашы ыктымалдыгын айтышты. 26-28-сентябрда күн ачык болору божомолдонду. Бирок 29-сентябрдан тарта күндүн көзү кайра бузулуп, айрым жерлерде жамгыр жаап, бийик тоолуу райондордо кар түшүшү ыктымал. 30-сентябрда да өткүн өтөрү айтылды. 1-октябрда күндүз чыгыш тарабында жамгыр, бийик тоолуу райондордо кар жаашы мүмкүн. Бирок абанын температурасы 15...20 градустун тегерегинде кармалат. Апта башында 22 градуска чейин жылуу болот.