БИШКЕК, 24-сен. — Sputnik. Кыргызстанда бензин арзандап, көмүр салыштырмалуу кымбаттады. Бул тууралуу Монополияга каршы жөнгө салуу кызматы кабарлады.
Аталган кызмат бир жума ичинде (14-сентябрдан 21-сентябрга чейин) социалдык маанилүү деген товарлардын баасында кандай өзгөрүү болгонун карап чыккан.
Күйүүчү майдын баасы:
бензин А-80 — бир литри 56,5 сом (баа өзгөргөн эмес);
бензин А-92 — 61,9 (0,2 сомго арзандады);
дизель майы — 76,7 (0,1 сомго арзандады);
автогаз — 31,6 (0,5 сомго арзандады);
суюлтулган газ (10 кг салмактагы баллон) — 740,8 (1,3 сомго арзандады);
жергиликтүү көмүр — бир тоннасы 4958,3 (108,3 сомго кымбаттады);
импорттолгон көмүр — 5 762 сом (баасы өзгөргөн эмес).