БИШКЕК, 17-сен. — Sputnik. Кыргызстандык балбандар Эрназар Акматалиев менен Арсалан Будажапов Сербияда өтүп жаткан дүйнө чемпионатында коло медаль алышты.
Экөө тең эркин күрөш боюнча беттешкен. Эрназар Акматалиев индиялык балбан менен кармашып, аны 4:1 эсеби менен жеңген. Ал эми Будажапов болгариялык атаандашын 5:1 эсебинде уткан.
Муну менен спортчулар Кыргызстандын капчыгын беш медаль менен толукташты. Анын экөө алтын болсо, үчөө коло.