БИШКЕК, 16-сен. — Sputnik. Тажикстандын аскерлери Баткендин Достук айылындагы мектептин имаратын ээлеп алышты. Бул тууралуу Чек ара кызматы билдирди.
Маалыматка караганда, саат 14:00гө карата чек арадагы абал курч бойдон калууда.
"Тажикстандын аскерлери чек арага жакын жайгашкан айылдардан ок чыгарууда. Алар өздөрүнүн жай тургундарын "тирүү калкан" катары колдонуп жатат", — деп жазылат маалыматта.
Чек ара кызматы кыргыз тарап айыгышкан кармашты улантып жатканын айтты.
Баткенде учурда эмне болуп жатканын Sputnik Кыргызстан агенттигинин тексттик трансляциясынан окуй аласыздар.