2003-жылы Тажикстандын борборунда Кыргызстандын элчилигинин жаңы имараты ачылган.
"10 жыл ичинде тажиктер менен кыргыздарды уруштурууга көп аракеттер болду. Алар максатына жеткен жок. Кийин да ойлору ишке ашпайт деп ниеттенем. Биз элдерибиз тынчтыкта, ынтымакта жашашы үчүн бардык аракетти жасашыбыз керек. Биз жөн эле тууган эмеспиз. Биз — бир тууганбыз", — деген Рахмон.
14-сентябрда Тажикстандын аскерлери Кыргызстандын чек ара аймактарын аткылап баштаган. Сүйлөшүүлөрдөн кийин ок атышуу токтотулган. Бирок 16-сентябрда УКМКнын Чек ара кызматы тажик тарап аткылоону кайрадан улантканын, кагылышуу Баткендеги чек аранын бардык периметринде болуп жатканын билдирди. ТИМ Тажикстанга нааразычылык нотасын жөнөттү.
Учурда чек арада абал кандай экенин билүү үчүн Sputnik агенттиги жүргүзгөн тексттик трансляциядан билүүгө болот.