БИШКЕК, 16-сен. — Sputnik. Облустук ооруканага чек арадагы чырдан жабыркап 11 киши түштү. Бул тууралуу Саламаттык сактоо министрлиги Баткен облусундагы координаторунун маалыматына таянып кабарлады.
"Жабыркагандардын абалы жана диагнозу боюнча маалымат кийинчерээк берилет", — деп жазылат билдирмеде.
Бардык саламаттык сактоо уюмдары жана Тез жардам кызматы күчөтүлгөн тартипте иштеп жатат. Стационарларда кан жана дары-дармек жетиштүү.
Баткенде учурда эмне болуп жатканын Sputnik Кыргызстан агенттиги жүргүзүп жаткан тексттик трансляциядан окуй аласыздар.