БИШКЕК, 12-сен. — Sputnik. Кыргызстандык белгилүү балбан Жоламан Шаршенбеков Сербияда өтүп жаткан дүйнө чемпионатынын финалына чыкты.
Ал 60 килограмм салмактагылар арасында кармашты. Жоламан финалга чыгуу үчүн казакстандык Айдос Султангали менен кез келип, аны 7:0 упай эсебинде утту.
Шаршенбеков 1/8 финалда венгриялык Кристиан Кечкеметини 8:0 эсебинде, 1/4 финалда АКШлык Илдар Хафизовду 4:0 упай менен жеңген.
Эми алтын үчүн кармашта болгариялык Эдмонд Армен Назарян менен күрөшөт.