БИШКЕК, 4-сен. — Sputnik. Кыргызстанда дүйшөмбү күнү ысыктын эң жогорку көрсөткүчү 37 градуска чыгарын Кыргызгидромет маалымдады.
Анда 5-сентябрга караган түнү Ысык-Көл облусунун айрым жерлеринде өткүн өтүп, күн күркүрөшү ыктымалдыгы, өлкөнүн башка аймактарында күн ачык болору кабарланган. Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй өрөөнүндө +31...+36, Талас аймагында +29...+34, Ош, Жалал-Абад, Баткен облустарында +32...+37, Ысык-Көл чөлкөмүндө +24...+29 жана Нарын жергесинде +25...+30 градус болору айтылды.
Термометрдин көрсөткүчү Бишкекте +34...+36, Ошто +35...+37 градуска жетет.