БИШКЕК, 29-авг. — Sputnik. Кыргызгидромет агенттиги алдыдагы аптада күтүлгөн Жалал-Абад облусундагы аба ырайы тууралуу маалымат берди.
Ага ылайык, жума ичинде облустун башкы шаарларында жана дыйканчылык аймактарында күндүн табы 34-35 градустун чегинде болот.
29-31-август күндөрү тоо этектеринде жана тоолуу райондордо өткүн өтөт, бирок өрөөндөрдө жамгыр жаабайт.
Ал эми 1-сентябрда күн толугу менен ачылып, 4-сентябрга чейин жаан-чачын болбой турганы айтылды.
Батыштан соккон шамалдын ылдамдыгы секундасына 4-9 метрден, 30-августта күндүз кээ бир райондордо 15-20 метрге жетиши күтүлөт.