БИШКЕК, 26-авг. — Sputnik. Өзбекстандын премьер-министри Абдулла Арипов Евразия өкмөттөр аралык кеңешинин жыйынына катышуу үчүн келди. Бул туурасында министрлер кабинетинин маалымат кызматы билдирди.
"Ысык-Көл" эл аралык аэропортунан сыйлуу конокту өкмөт башчынын орун басары Бакыт Төрөбаев тосуп алган.
Бүгүн Чолпон-Ата шаарында Евразия өкмөттөр аралык кеңешинин кезектеги жыйыны өтөт, анда интеграциялык биримдик алкагындагы бир катар актуалдуу маселелер каралат. Кечээ, 25-августта, Армения, Азербайжан, Беларусь, Казакстан жана Россиянын премьер-министрлери келишкен.