БИШКЕК, 25-авг. — Sputnik. Жума күнү күндүз Чүй, Талас, Ысык-Көл, Нарын аймагынын айрым жерлеринде, Ош, Жалал-Абад облустарынын тоо этектеринде жана тоолуу райондорунда өткүн өтүп, күн күркүрөйт. Бул тууралуу Кыргызгидромет маалымдады.
Абанын температурасы Чүйдө +24...+29, Талас жергесинде +22...+27, Ош, Жалал-Абад, Баткен облустарында +28...+33, Ысык-Көлдө +19...+24 жана Нарын аймагында +21...+26 градуска жетет.
Бул күнү Бишкек менен Чолпон-Атада мезгил-мезгили менен өткүн өтүп, күн күркүрөйт. Термометрдин көрсөткүчү Бишкекте +27...+29, Ош калаасында +28...+30, ал эми Чолпон Атада +20...+22 градус болору айтылды.