БИШКЕК, 21-авг. — Sputnik. Кыргызгидромет агенттиги алдыдагы аптада Кыргызстанда аба ырайы кандай болору тууралуу маалымат берди.
Чүй облусу
Келе жаткан аптанын айрым күндөрү Чүйдүн тоолуу аймактарында жаан-чачын болушу күтүлүүдө.
Бүгүн-эртең дыйканчылык аймактарда жаан-чачын күтүлбөйт. Бирок тоолуу райондордо жаан жаашы мүмкүн.
22-августта бардык жерде күн ачык болот. 23үнөн 25-августка чейин кайрадан тоолуу райондордо өткүн өтөрү божомолдонууда. 26-августта жаан жаабайт.
Батыштан соккон шамалдын ылдамдыгы секундасына 4-9 метрге, 20-августта кээ бир райондордо 15-20 метрге чейин жетиши ыктымал.
Талас облусу
20-августтан тарта 26-августка чейин облус аймагында жаан-чачын күтүлбөйт. Көпчүлүк күндөрү күндүз абанын температурасы +22…+27 градуска чейин жетет.
Батыштан соккон шамалдын ылдамдыгы секундасына 4-9 метрге жетиши ыктымал.
Ош облусу
22-27-августта тоолуу райондордо өткүн өтүп, күн күркүрөшү мүмкүн. Дыйканчылык аймактарда жаан-чачын болбойт. Батыштан соккон шамалдын ылдамдыгы 24-августта кээ бир райондордо 15-20 метрге жетет.
Жалал-Абад облусу
Жума бою облус аймагында күн ачык болот. Аптанын биринчи жарымында күндүн табы 30 градустан төмөн болгону менен экинчи бөлүгүндө өрөөндөрдө 26…31 градуска чейин ысыйт.
Батыштан соккон шамалдын ылдамдыгы секундасына 4-9 метрге жетиши ыктымал.
Баткен облусу
22-августта тоолуу райондордо өткүн өтүп, күн күркүрөшү ыктымал. 23-27-августта күн ачык болот. 24-августта батыштан соккон шамалдын ылдамдыгы секундасына 15-20 метрге жетет.
Ысык-Көл облусу
21-августта кээ бир райондорунда жаан, бийик тоолуу райондордо кар жаашы мүмкүн. 22-августта күндүз жаан-чачын күтүлбөйт. 23үнөн 28-августка чейин аймакта күн жаанчыл болот. Маал-маалы менен кээ бир райондордо ылдамдыгы 15-20 метрге жеткен шамал болот.
Нарын облусу
21-22-26-августта жаан-чачын болбойт. Калган күндөрү кээ бир райондордо өткүн өтүп, күн күркүрөйт. Бийик тоолуу райондордо кар жаашы мүмкүн.