БИШКЕК, 17-авг. — Sputnik. Бейшемби күнү күндүз Ысык-Көл облусунун кээ бир райондорунда өткүн өтүп, күн күркүрөйт. Калган аймактарда күн ачык болот. Бул тууралуу Кыргызгидромет маалымдады.
Абанын температурасы Чүйдө +27...+32, Талас жергесинде +24...+29, Ош, Жалал-Абад, Баткен облустарында +30...+35, Ысык-Көлдө +21...+26 жана Нарын аймагында +23...+28 градус болот.
Бул күнү Чолпон-Атада күндүз өткүн өтүп, күн күркүрөйт. Термометрдин көрсөткүчү Бишкекте +28...+30, Ош калаасында +33...+35, ал эми Чолпон Атада +23...+25 градуска жетет.