БИШКЕК, 16-авг. — Sputnik. Ош облусунун Өзгөн шаарында үрөй учурган жол кырсыгы катталып, 13 адам жаракат алды. Бул туурасында Өзгөчө кырдаалдар министрлиги билдирди.
Маалыматка караганда, 15-августта болжол менен саат 22:50дө Mercedes-Benz жеңил унаасы менен жүк ташуучу Daewoo Labo үлгүсүндөгү машина кагышкан.
Кырсыктын кесепетинен 13 адам жабыркаган, анын ичинен сегизи оор абалда, бешөө жеңил жаракат алган.
ӨКМдин куткаруучулары жаракат алган жарандарды унаадан чыгаргандан кийин Тез жардамдын кызматкерлерине өткөрүп беришкен.