БИШКЕК, 10-авг. — Sputnik. Ниязалы атындагы Ош мамлекеттик музыкалык окуу жайынын директору болуп Нурлан Каримов дайындалды. Бул тууралуу Маданият, маалымат, спорт жана жаштар саясаты министрлиги билдирди.
Жаңы дайындалган директорду эмгек жамаатка маданият министринин орун басары Чыңгыз Эсенгул уулу тааныштырган.
Министр Азамат Жаманкулов чыгарган буйрукка ылайык, Каримов кызматтык милдетин бүгүн, 10-августтан тарта аткара баштайт.
Белгилей кетсек, 2021-жылдын башында аталган окуу жайдын директорлук ордун КРдин эмгек сиңирген артисти Самара Каримова талашып, соттошууга чейин барган. Натыйжада ырчы кызматка дайындалган эмес.