БИШКЕК, 10-авг. — Sputnik. Бейшембиде күндүз Чүй, Талас, Баткен, Нарын өрөөндөрүнүн кээ бир райондорунда, Ысык-Көлдүн көпчүлүк жерлеринде, Ош, Жалал-Абад облустарынын тоо этектеринде жана тоолуу райондорунда өткүн өтүп, күн күркүрөйт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден 15-20 метрге жетет.
Абанын температурасы Чүйдө +26...+31, Ош, Жалал-Абад, Баткен облустарында +30...+35, Талас, Ысык-Көл жана Нарын аймагында +24...+29 градус болот.
Бишкекте күндүн экинчи жарымында, Чолпон-Ата шаарында мезгил-мезгили менен өткүн өтүп, күн күркүрөйт. Термометрдин көрсөткүчү Бишкекте +29...+31, Ош калаасында +35...+37, ал эми Чолпон Атада +24...+26 градуска жетет.