БИШКЕК, 8-авг. — Sputnik. "Кадастр" мамлекеттик мекемесинин Аламүдүн филиалынын кызматкери пара алууга шектелип кармалды. Бул тууралуу УКМКдан кабарлашты.
Маалыматка караганда, ал ошол эле райондо жайгашкан дача участогуна мамлекеттик актыны берүү үчүн К.П.К. атуу жарандан 1 000 доллар өлчөмүндө акча каражатын талап кылган.
"28-июлда УКМКга жогорудагы иш боюнча оң чечим чыгарып берүү үчүн "Кадастр" мекемесинин кызматкери пара талап кылып жатканы кабарланган. 3-август күнү Аламүдүн районундагы филиалдын жер кадастры жана кадастрдык изилдөө боюнча убактылуу жетектөөчү адиси Д.Г. кармалды", — деп айтылат билдирүүдө.
Учурда тергөө амалдары жүргүзүлүүдө.