БИШКЕК, 5-авг. — Sputnik. Бишкекте муниципалдык жердин эсебинен жер тилкелерин өзү билемдик менен кеңейтип алган үй ээлери калаа жетекчилиги менен ижара келишимин түзүүнү каалап жатышат.
Мэриянын маалымат кызматы билдиргендей, эксперттик кеңештин мүчөлөрү жерди пайдалануу маселелерин талкуулашты. Эми адистер маселени чечүүнүн жолдорун издешет. Азырынча бул демилге тууралуу башка маалымат жок.
Мэрия буга чейин эксперттик кеңеш түзүп, анын курамына ар кыл тармактын адистери кирген. Кеңеш социалдык маанилүү темалар боюнча чечимдерди кабыл алуу, борборду өнүктүрүүнүн актуалдуу маселелерин чечүү максатында түзүлгөн.