БИШКЕК, 3-авг. — Sputnik. ЖККУга мүчө-мамлекеттердин улуттук коопсуздук органдарынын атайын өкүлдөрү Кыргызстанда ыкчам жыйынга чогулду. Бул тууралуу УКМКнын маалымат кызматы кабарлады.
Билдирмеге караганда, жыйын 1-2-августта УКМКнын машыгуу-окуу борборунда болгон.
"Мындай жамааттык машыгуулар ЖККУ чөйрөсүндөгү жаңы чакырыктарга жана коркунучтарга каршы туруу үчүн эл аралык жана аймактык деңгээлде биргелешкен иштерди жүргүзүү үчүн уюштурулуп турат. Ага Армения, Беларусь, Казакстан, Россия, Тажикстандын делегациялары катышкан", — деп айтылат билдирмеде.
Жыйынга ЖККУнун башкы катчысынын орун басары, генерал-полковник Валерий Семереков да катышканы маалым болду.