БИШКЕК, 27-июл. — Sputnik. Россия Кыргызстанга 10 миллион доллар грант берет. Бул туурасында тышкы иштер министри Жээнбек Кулубаев маалымат жыйында билдирди.
Анын айтымында, каражат бюджетти колдоого жумшалат.
"Бул боюнча маселелер чечилип, сүйлөшүүлөр жүргүзүлдү", — деди Кулубаев.
Мындан сырткары, министр Россия тарап ӨКМге баасы 8 миллион доллар турган өрт өчүрүүчү жана куткаруу техникаларын жардам катары берерин белгиледи. Аталган техникалар жакын арада Кыргызстанга келип түшөт.