БИШКЕК, 26-июл. — Sputnik. Батыш саясатчыларынын Россия лидери Владимир Путинге жасаган мындай мамилеси аларга аброй алып келбейт. Бул туурасында Түркия президенти Режеп Тайип Эрдоган TRT каналына билдирген.
"Путинге Батыш саясатчыларынын жасаган мамилесин билесиңер. Бул саясаттын алкагына сыйбайт. Кандай мамиле кылсаңар, ошондой жооп аласыңар", — деген Эрдоган.
Германиянын тышкы иштер министри Анналена Бербок Түркия президенти Режеп Тайип Эрдоганды Россия жана Иран лидерлери Владимир Путин, Ибрахим Раиси менен сүрөткө түшкөнү үчүн күнөөлөп, чычалаган пикирин билдирген.