БИШКЕК, 25-июл. — Sputnik. Херсон облусунун администрация башчысынын орун басары Кирилл Стремоусов Украина мамлекет катары жоголгонун айтып, ал жакта Батыштын акчалары талап-тонолуп жатканын билдирди. Бул тууралуу РИА Новости жазды.
"Украина мамлекет катары жок болду. Объективдүү айтканда, ал жакта Батыш берген акчалар гана талап-тонолуп жатат", — деген Стремоусов.
Март айынын орто ченинде Россиянын армиясы Украинадагы атайын операциянын жүрүшүндө Херсон облусун жана Запорожье облусунун Азов бөлүгүн көзөмөлгө алган. Ал жакта жарандык-аскердик администрациялар түзүлүп, РФтин телеканалдары менен радиостанцияларынын уктуруулары берилүүдө. Крым менен соода байланыштар дагы калыбына келтирилип жатат. Эки аймак тең Россиянын курамына кирүү планын билдирген.